Nekada su bili na naslovnicama, punili stadione i bili među najpoznatijim sportistima planete. Danas su završili karijere, bave se potpuno drugačijim poslovima, a pojedini su gotovo nestali iz javnosti. Sportska slava često traje mnogo kraće nego što mislimo. Jednog dana sportista je svuda — na televiziji, naslovnicama, reklamama i društvenim mrežama. Nekoliko godina kasnije njegovo ime se rijetko spominje. To ne znači da su njihove priče završene. Naprotiv, neki od bivših šampiona danas žive potpuno drugačijim životima.
Ronaldinjo – od fudbalske magije do utakmice u zatvoru
Ronaldinjo je bio jedan od najatraktivnijih fudbalera svoje generacije. Njegov osmijeh, driblinzi i potezi učinili su ga jednom od najvećih zvijezda Barselone i svjetskog fudbala. Nakon završetka profesionalne karijere njegov život ppostao je više nego buran. Suočavao se sa velikim poreskim dugovima u Brazilu, što je dovelo do sudskih zapljena njegove imovine i privremenog oduzimanja brazilskih i španskih putnih dokumenata. Najveći vanfudbalski potres desio se u martu 2020. godine, kada su Ronaldinjo i njegov brat uhapšeni u Paragvaju jer su pokušali da uđu u zemlju sa lažnim pasošima. Proveli su oko mjesec dana u zatvoru, gdje je proslavio 40. rođendan, i igrao čuveni zatvorski turnir u malom fudbalu, nakon čega su prebačeni u kućni pritvor u luksuznom hotelu u Asunsionu, a kasnije pušteni uz novčanu kaznu. Pokrenuo je trap muzički kolektiv „Tropa Do Bruxo“ i često se pojavljuje na glamuroznim događajima i zabavama sa muzičkim i sportskim zvijezdama širom svijeta.
Mesut Ozil – od svjetskog prvaka do političke kontroverze
Ozil je svojevremeno bio jedan od najboljih vezista svijeta. Osvojio je Svjetsko prvenstvo sa Njemačkom 2014. godine i igrao za Real Madrid i Arsenal. Uoči Svjetskog prvenstva u Rusiji 2018. Ozil se u Londonu sastao sa predsjednikom Turske Redžepom Taipom Erdoanom i poklonio mu svoj njemački dres. U Njemačkoj je ovo tumačeno kao manjak lojalnosti prema njemačkim vrijednostima i demokratiji s obzirom na to da je bio slavljen kao simbol uspješne integracije doseljenika, a Erdoanova politika često na meti kritika Zapada. Od dresa njemačke reprezentacije oprostio se upravo nakon toga SP i lošeg rezultata. Optužio je tada je Fudbalski savez Njemačke, medije i navijače za dvostruke aršine izgovorivši čuvenu rečenicu: “Ja sam Njemac kad pobjeđujemo, a imigrant kad gubimo”. Godinu kasnije Ozil je Erdoana zvao za kuma.
Oskar De La Hoja – od boksa do mrežastih čarapa
Bio je jedan od najvećih boksera svoje generacije. Osvojio je olimpijsko zlato i svjetske titule u više kategorija. Život Oskara de la Hoje nakon završetka karijere obilježile su brojne ozbiljne kontroverze, uključujući javnu borbu sa zavisnošću od alkohola i kokaina, zbog čega je u nekoliko navrata odlazio na rehabilitaciju, kao i burne skandale u privatnom životu poput curenja kompromitujućih fotografija u žetom čarapa,anskoj garderobi i mrežas. Pored toga, suočavao se sa višestrukim optužbama za seksualno zlostavljanje i nedolično ponašanje. Za svo to vrijeme biznis mu je cvetao. Njegova kompanija Golden boj najprije se bavila promocijom boksa, ali su posao prošili na medije, menadžment sportskih karijera i zabavu – što mu je donilo brdo novca.
Dejvid Kultard – život iza mikrofona
Godinama je bio jedan od najpoznatijih vozača Formule 1. Nakon završetka karijere nije nestao iz sporta. Postao je televizijski analitičar i jedan od prepoznatljivih glasova Formule 1, ali je istovremeno razvio i druge poslovne interese. Za razliku od nekih bivših sportista koji potpuno nestanu iz javnosti, Kultard je pronašao novi način da ostane dio svijeta koji ga je proslavio.




